إحنا
النص مرتبنا رايح فى فاتورة موية ونور
إحنا
النرصف فى الشارع والصباح نلقاه محفور
إحنا
الكل ساعة حادث نطلع منه بضحايا وكسور
إحنا
الأكلنا الفول أبو سوس فى صحن مكسور
إحنا
الكبيرنا يأخد رشوة وعاوزين الطابق مستور
إحنا
العاوزيننا نهاجر من الدنيا نبعد ونغور
إحنا
اللاعضاء مجلسنا جايينا بالزور
إحنا
البهدلنا المزارع وحولنا الحواشة لبور
إحنا
الأي زول فينا يهرطق بأى حاجة ويبقى فيها دكتور
إحنا
البننصب فى الفاعل والمنصوب نعمله مجرور
إحنا
البنظلم شوارعنا بالليل وننورها فى عز النور
إحنا
البيغلط فينا يقول انا يا يابا عبد المأمور
إحنا
البنقدم ونأخر فى الساعة على كيف واحد طرطور
إحنا
الريسنا يتراقص وإحنا وراه نكبر بالدور
إحنا
الريسنا كل مايتكلم يقولنا كتر عددكم وأنا معذور
إحنا
الأنت زماااااان يا ريس وعدتنا بالحال الميسور
إحنا السنين عدت علينا و الجماعة ولا قالوا إحم ولا دستور
إحنا الكل يوم مصيبة وكل يوم مهزلة وقلب البلد قاعد منحور
إحنا السنين عدت علينا و الجماعة ولا قالوا إحم ولا دستور
إحنا الكل يوم مصيبة وكل يوم مهزلة وقلب البلد قاعد منحور
إحنا
الكاتمين على صوتنا داخل بلدنا وبرا السور
إحنا
اللازم نتحرك ونطالب برجوع الحق المهدور
* تعديلا على قصيدة أحنا الكعبلنا النملة و جينا لبن العصفور من ادبيات الشعر الحلمنتيشي المصر*
No comments:
Post a Comment